ЯҢАЛЫКЛАР

Әлеге чаралар тотрыклы сулыкларны файдалануны, су объектларын саклауны, суларның тискәре йогынтысыннан яклауны тәэмин итә торган сухезмәт тармагын үстерү мәсьәләләре турында фикер алышуга багышланган. Шулай ук "Чиста су" Федераль максатчан программасын гамәлгә ашыру, су сыйфаты проблемалары һәм су ресурсларын бәрәкәтле тоту белән бәйле мәсьәләләр турында. Конгресс эшендә федераль һәм төбәк башкарма һәм закон чыгару органнары вәкилләре, иҗтимагый оешмалар вәкилләре, фән һәм бизнес вәкилләре катнашачак. Тулырак мәгълүматны сылтама аша күчеп алырга була.

Иннополиста I Россия яшьләр архитектурасы биенналесында тәкъдим ителгән проектларның күбесе торак төзелешендә кулланылырга лаеклы. Бу хакта чарага йомгак ясаганда Россия төзелеш һәм торак-коммуналь хуҗалык министры Михаил Мень җиткерде.

“Рөстәм Нургалиевичка (Миңнеханов) һәм аның командасына биеннале үткәрү тәкъдимебезне кабул иткәне өчен рәхмәт белдерәсем килә. Шушындый чаралар үткәрү практикасын дәвам иттерергә кирәк. Белгечләр яшь буын архитекторларның ничек төзергә теләгәнен белергә тиеш”, - дип искәртте ул.

“Күргәннәрдән бүген күп кенә проектлар мине кызыксындырды. Заманча төзелештә шактый гына проектларны кулланырга, һич югы, аларны куллану хакында фикерләшергә була. Шул ук вакытта биредә стандарт, стандарт плюс, стандартике плюс вариантлары бар”, - дип өстәде Россия төзелеш ведомствосы башлыгы.

Мень шулай ук министрлыкта яшь архитекторлар базасын булдыру турында фикерләшүләрен җиткерде. Бу исә соңгы вакытта яңа губернаторларның Россия Төзелеш министрлыгына төбәк яисә шәһәрнең баш архитекторы вазифасына кандидатура тәкъдим итүне сорап мөрәҗәгать итүләре белән бәйле булуын аңлатты.

“Аларны ничек сайлап алырга, ничек өйрәтергә? Бер-ике атна эчендә без бу идеяне эшләп бетереп, сезгә җиткерербез дип уйлыйм”, - дип шәрехләде М. Мень.