ЯҢАЛЫКЛАР

Ел башланганнан бирле Татарстан Дәүләт торак инспекциясе тарафыннан күп фатирлы йортларга капремонт объектларында 1180 тикшерү уздырылган, шулар нәтиҗәләре буенча Казанда һәм Алексеевскта 9 техник иминлекне бозу очрагы ачыкланган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.   

Татарстанның ТКХ өлкәсендәге иҗтимагый контроль буенча региональ үзәге идарәче компанияләр рейтингын төзеячәк. Бу хакта бүген «Татар-информ» мәгълүмат агентлыгында узган матбугат конференциясендә  үзәгенең башкарма директоры Дмитрий Романов хәбәр итте. Спикер сөйләвенчә, рейтингны төзү өчен идарәче компанияләр эшчәнлеге буенча тиешле бәяләү критерийларын эшләргә кирәк.

Мәгълүмат-консультация төркеме Татарстан Республикасының Балтач муниципаль районы Кугунур һәм Нуринэр авылларына түләүсез юридик ярдәм күрсәтте.Чарада ТР  Төзелеш,архитектура һәм торак-коммуналь хуҗалыгы министрлык юридик бүлеге белгече Л.А.Әхмәтҗанова катнашты.