Татарстанда «Яшь профессионаллар» (WorldSkills Russia) төбәк чемпионатына старт бирделәр
Ярышлар мәйданчыкларында 96 WorldSkills Russia компетенциясе һәм 66 WorldSkills Russia Juniors компетенциясе тәкъдим ителәчәк. Бүген министрлыкның җитәкче составы Татарстан Республикасының «Яшь профессионаллар» (WorldSkills Russia) төбәк чемпионатының профильле компетенцияләр буенча барлык мәйданчыкларында ачылуында катнашты. Казан төзелеш колледжында төзелеш блогы буенча ярышларны ТР Төзелеш, архитектура һәм торак-коммуналь хуҗалык министрлыгы аппараты җитәкчесе Юрий Муценек ачты. Төзелеш министрлыгы вәкиле билгеләп үткәнчә, WorldSkills Russia чемпионаты эшче һөнәрләренең абруен күтәрүгә генә түгел, ә сыйфатын, үзебезнең һөнәри белем бирүнең конкурентлыгын арттыруга да ярдәм итә. «Әлеге дәрәҗәле ярышларда катнашу – үзең өчен яңа чикләр ачу, үз сәләтеңне ачу, тәҗрибә һәм яңа танышулар алу мөмкинлеге. Исегездә тотыгыз, нык хезмәт һәм ихтыяр көче белән генә искиткеч нәтиҗәләргә ирешергә һәм Татарстан, Рәссәй җыелма командасы составына керергә мөмкин. Сезгә лаеклы чыгыш ясавыгызны һәм һөнәри осталыгыгызны югары дәрәҗәдә күрсәтүегезне телим".
Татарстан Республикасының «Яшь профессионаллар» (WorldSkills Russia) төбәк чемпионаты 13 ноябрьдән 7 декабрьгә кадәр өч төп мәйданчыкта уза: «Казан Экспо» МКҮ, Казан төзелеш көллияте, Компетенцияләрнең төбәкара үзәге – Казан мәгълүмати технологияләр һәм элемтә техникумы.
1000нән артык катнашучы WorldSkills Russia һәм 66 компетенция буенча WorldSkills Russia Juniors ярышачак.
Ярышлар йомгаклары буенча WorldSkills Russia стандартлары буенча һөнәри осталык буенча Татарстан Республикасы җыелма командасы тупланачак һәм Новокузнецкида «Яшь профессионаллар» (WorldSkills Russia) 2020 VIII Милли чемпионатының ярымфиналында һәм финалында катнашучылар билгеләнәчәк.
Шулай ук, һөнәри юнәлеш бирү эше кысаларында төбәк чемпионатын уздыру мәйданчыгында 20 меңгә якын өлкән сыйныф укучысы һәм студент булачак.