Биектау районында яңа юл ачылды
Кичә Биектау муниципаль районында Биектау авылының көньяк-көнчыгыш һәм Көньяк өлешләрен тоташтыручы юл ачылды. Тантаналы чарада ТР Төзелеш, архитектура һәм торак-коммуналь хуҗалык министры Марат Айзатуллин, Биектау районы башлыгы Равил Хисаметдинов, «ТР Баш инвестицион-төзелеш идарәсе» ДКУ директоры Нияз Ситдыйков, ТР буенча дәүләт экспертиза идарәсе директоры Рафар Шакиров катнашты.
«Без бүген ачкан юл мәгариф һәм спорт учреждениеләренә юнәлтелгән транспорт агымын бушатырга мөмкинлек бирәчәк, шуның белән «М7» федераль трассасыннан автомобиль транспортының төп агымын, шулай ук иртәнге һәм кичке сәгатьләрдә җирле әһәмияттәге автомобиль юлларын 70% ка бушатачак. Юл төзелгәндә җәяүлеләр иминлегенә аерым игътибар бирелә һәм җәяүлеләр маршруты булдырыла. Бу балаларга һәм аларның ата-аналарына авылның көнчыгыш өлешендә урнашкан мәктәп һәм спорт учреждениеләренә үзләре барып җитәргә мөмкинлек бирәчәк. «Биек тау», - дип билгеләп үтте Марат Айзатуллин үзенең сәламләү чыгышында.
Объект 5 айга якын вакытка иртәрәк тапшырылган. Юл төзелеше «Торак һәм шәһәр мохите» милли проектының «Торак» федераль проектының «Стимул» программасы кысаларында гамәлгә ашырыла.