Республика җыелма командасының яшь профессионаллары Татарстан Төзелеш министрлыгы башлыгы белән аралаштылар
Ирек Фәйзуллин «Яшь профессионаллар» VII Милли чемпионаты алдыннан «Төзелеш һәм төзелеш технологияләре» компетенциясе буенча республика җыелма командасына мөрәҗәгать итте. Министр билгеләп үткәнчә, әлеге дәрәҗәле ярышларда катнашу – аерым дәрәҗә һәм югары җаваплылык. Татарстан җыелма командасы составына кереп, яхшы нәтиҗәләргә ирешергә тырыш хезмәт һәм ихтыяр характер ярдәм итте. «Сез һәм Сезнең белән эшләгән кешеләр бик зур эш башкардылар, сезнең укытучыларыгызны һәм экспертларны күз алдында тотам. Бүген төзелеш тармагына үз эшләрен тиз һәм сыйфатлы башкара ала торган заманча технологияләрдә өйрәнүче белемле белгечләр кирәк». Ирек Фәйзуллин булачак ярышларда республика җыелма командасының лаеклы чыгыш ясачагына һәм профессиональлекнең югары дәрәҗәсен күрсәтәчәгенә ышаныч белдерде. «Җыелма команда кебек бер-берегезне хуплагыз һәм ахыргача көрәшегез. Хезмәттәшләреп белән, Татарстан җитәкчелеге белән бергә сезгә ихлас күңелдән уңышлар телим. Без сезнең артыгыздан күзәтеп торачакбыз, без сезнең өчен җан атачакбыз».
Белешмә.
«Яшь профессионаллар» (WorldSkills Russia) VII Милли чемпионаты финалы Казанда 20 майдан 24 майга кадәр «Казан Экспо» Халыкара күргәзмә үзәге территориясендә узачак. Финалда «WorldSkills» ның 79 компетенциясе, «WorldSkills Juniors» ның 59 компетенциясе, шулай ук «Future Skills»23 компетенциясе буенча 1513 конкурсант һәм 1274 эксперт-компатриот катнашачак. Татарстан Республикасы җыелма командасы составына финалда катнашу өчен «WorldSkills» 70 компетенция буенча 140 конкурсант һәм 115 компатриотов белән бергә «WorldSkills Juniors» 15 компетенция буенча 45 конкурсант билгеләнгән. ТР Төзелеш, архитектура һәм ТКХ министрлыгы «WorldSkills» 18 компетенциясендә һәм «WorldSkills Juniors» 10 компетенциясендә 63 катнашучы һәм 51 эксперт-компатриот белән тәкъдим ителәчәк. 2018 ел белән чагыштырганда, бу бик зур аерманы тәшкил итә,без ул чакта 9 компетенциядә 10 катнашучы белән тәкъдим ителгән идек һәм 6 алтын медаль, 1 бронза медаль һәм 1 медаль яуладык.