«Бердәм Рәссәй» контроль төркеме Татарстанда илкүләм проектларны гамәлгә ашыруны тикшерде
Татарстанга Милли проектларны тормышка ашыруны бәяләү өчен Федерация Советы әгъзалары һәм РФ Дәүләт Думасы депутатлары делегациясе килде. Сәфәр нәтиҗәләре буенча республиканың партия активы белән фикер алышу булачак. Парламент вәкилләре – сенатор Ирек Ялалов Дәүләт Думасы Депутатлары Владимир Афонский һәм Ирек Зиннуров белән бергә Татарстан Республикасы төзелеш, архитектура һәм торак-коммуналь хуҗалык министрлыгы вәкилләре «Торак һәм шәһәр мохите» милли проектын гамәлгә ашыруны бәяләделәр. Кунаклар Әбсәләмов урамы скверында, «Яз» торак комплексында: «Яз» паркында, 1501 урынга исәпләнгән мәктәптә һәм 340 урынга исәпләнгән балалар бакчасында булдылар: «Яз» торак комплексы мәйданы 31,15 га тәшкил итә. Комплекс составына җир асты автостоянкалары, офислары һәм хезмәт күрсәтү учреждениеләре булган 10 һәм 19 катлы йорт керә. Комплекс территориясендә 340 урынга исәпләнгән ике балалар бакчасы, 1501 урынга исәпләнгән мәктәп, 989 һәм 1096 урынга исәпләнгән ике күпкатлы паркинг проектланган. Проект белән шәһәрнең табигый каркасына бәйле гомуми файдаланудагы территорияләрне яшелләндерүнең өзлексез системасын формалаштыру каралган. Гомуми файдаланудагы территорияләрне яшелләндерү системасы Нокса елгасы буенда рекреацион зона (парк) төзү, паркны торак комплексы белән тоташтыручы бульварлар булдыру, яңа үзләштерелә торган территорияләрдә торак һәм иҗтимагый төзелеш төзү хисабына формалаша. Рекреацион-ландшафт зонасының гомуми мәйданы 10,8 га тәшкил итә.
Партия контроленең максаты-милли проектларны үтәүнең нәтиҗәлелеген арттыру, аларның максатларына һәм нәтиҗәләренә ирешү, нәтиҗәдә, халыкның иминлеген тәэмин итү һәм тормыш сыйфатын күтәрү. «Торак һәм шәһәр мохите» милли проектына өч раздел – төбәк проекты – «Торак», «Уңайлы шәһәр мохите формалаштыру» һәм торак фонды яшәү өчен яраксыз тотрыклы киметүне тәэмин итү кертелгән. Илкүләм проект паспорты нигезендә, торак төзелеше күләмен 2024 елга – Рәссәй буенча елына 120 млн кв. метрга, Татарстанда 2019 елда 2,245 млн.кв. м. кадәр арттыру төп күрсәткечләрнең берсе булачак.
2019 ел чаралары: Казан шәһәренең «Яз» торак комплексында 1501 урынга мәктәп төзү (511,012 млн. сум, шул исәптән 153,304 млн. сум - республика, 357,708 млн. сум - федераль); ТР Питрәч районының «Царево утары» торак комплексында 1224 урынга мәктәп төзү (560,507 млн. сум, шул исәптән 168,152 млн. сум - республика, 392,355 млн. сум - федераль); Салават Күпере торак районында кварталара йөрү юллары төзү (353,48 млн. сум , шул исәптән 106,064 млн. сум - республика, 247,484 млн.сум – федераль акча).