Фәрит Хәнифов полилингваль мәктәп төзелеше барышы белән танышты
Министр объект төзелеше темпларыннан канәгать калды. Бүген Татарстан Төзелеш, архитектура һәм торак-коммуналь хуҗалык министры Фәрит Хәнифов «Адымнар» полилингваль гомуми белем бирү комплексын карап чыкты. Чарада шулай ук ТР Дәүләт Советы Рәисе урынбасары, «Яңарыш» фонды башкарма директоры Татьяна Ларионова катнашты. Мәгариф комплексы 672 укучыга исәпләнгән башлангыч мәктәп һәм 800 урынга исәпләнгән билингваль мәктәп, 240 урынга исәпләнгән йокы корпусы булган 1224 урынга исәпләнгән полилингваль мәктәп һәм «Ялкын» балалар белем бирү лагере базасында 270 урынга исәпләнгән өстәмә белем бирү үзәге үз эченә алачак. Төзелеш мәйданчыгын карау барышында министрга эшләрнең барышы һәм объекттагы агымдагы вәзгыять турында хәбәр иттеләр. Фәрит Хәнифов, гомумән алганда, төзелеш темпларыннан канәгать калды, ләкин шул ук вакытта төзүчеләргә графикны да, башкарылучы эшләрнең сыйфатын да күзәтеп торырга тәкъдим итте. Аннары булачак уку кабинетларының берсендә күчмә киңәшмә булды, анда агымдагы мәсьәләләр турында фикер алыштылар.