Мәскәүдә «Төзелеш, ТКХ, шәһәр мохите» юнәлеше буенча Россия Федерациясе Дәүләт Советы комиссиясе утырышы узды
Бүген Мәскәүдә ТР Төзелеш, архитектура һәм торак-коммуналь хуҗалык министры Марат Айзатуллин «Төзелеш, ТКХ, шәһәр мохите» юнәлеше буенча Россия Федерациясе Дәүләт Советы комиссиясе утырышында катнашты. Чараны комиссия рәисе Рөстәм Миңнеханов үткәрде, анда Россия Хөкүмәте Рәисе урынбасары Марат Хөснуллин, шулай ук Россия Төзелеш һәм торак-коммуналь хуҗалык министры Ирек Фәйзуллин катнашты.
Утырышта Россия Федерациясе Президенты Владимир Путинның РФ Федераль Җыенына Юлламасында куелган бурычларны исәпкә алып, яңа илкүләм проектлар әзерләү мәсьәләләре турында фикер алыштылар.
Рәис сүзләренчә, яңа «Тормыш өчен инфраструктура» илкүләм проектына зур игътибар биреләчәк. Анда торак төзелеше, коммуналь инфраструктураны үстерү һәм территорияләрне төзекләндерү мәсьәләләре чагылдырылачак.
«Төзелеш тармагын һәм торак-коммуналь хуҗалыкны үстерүгә Россия Президенты Владимир Путин аерым игътибар бирә. Үзенең мөрәҗәгатендә ул 2030 елга кадәр эшнең төп юнәлешләрен барлады һәм илкүләм проектларны гамәлгә ашыруга яңа алымнарны билгеләде. Юлламаны гамәлгә ашыруда Россия Дәүләт Советы һәм аның комиссияләре зур роль уйнаячак», – дип ассызыклады Рөстәм Миңнеханов.
Моннан тыш, чарада ипотека, аерым алганда, гаилә мәсьәләсе күтәрелде. Республиканың Раис гаилә ипотекасының чик лимитын төбәктәге торак бәясе һәм башлангыч взнос 20% тан артмавына карап арттырырга тәкъдим итте.
Илнең һәм төбәкнең икътисади потенциалын формалаштыручы терәк пунктларда торакны тотрыклы тәкъдим итү темасы каралды. Мисал итеп Рөстәм Миңнеханов Түбән Кама районын китерде, анда әлегә республикада төзелә торган барлык күп фатирлы торак күләменең 1 проценты төзелә. Алабуга һәм Менделеевскта яңа инвестиция проектлары гамәлгә ашырыла һәм эш урыннары булдырыла.
«Тәкъдим дефициты күзәтелә торган сәнәгать үзәкләрендә торак проектларын гамәлгә ашыручы төзүчеләргә ярдәм итүне кирәк дип саныйбыз», – диде Рөстәм Миңнеханов.